18岁好妈妈母女齐兰桂坊夜蒲吧38岁靓妈Ellie同20岁女Ailey似闺蜜

【吸收财讯】咸恒遁兮及大壮 -> 世界在你眼前!

外型细细粒、皮肤白晢,今年38岁的Ellie,18岁那年就意外怀上了女儿Ailey,还未读完书就要迎接一条小生命,徬徨心情可想而知。「𠮶时好灰,觉得对唔住屋企人,好丢佢哋架,咁细个就俾人搞大个肚,好唔开心,又唔敢讲畀朋友知,惊俾人笑。当时人人都谂紧读咩科,谂紧自己前途时,我就要走去睇育婴书,旧同学聚会我都唔敢带个女出来,唔想畀人知,朋友有朋友嘅路,我有我嘅路,觉得好孤单。」年轻人总有理想,但对当刻的Ellie来说,梦想是遥不可及,太奢侈。「眼前面对嘅事根本唔系我18岁可以处理到,大肚、自己生活、小朋友将来,已经令我好迷惘,仲边敢去谂理想?」幸而,夫家很爱锡她,知道她还年轻,愿意帮她照顾女儿,好让她外出工作,见见世面,认识新朋友。「有咗淇淇(女儿)后,好奇怪,同屋企人关系反而更close,多咗家庭聚会,因为有小朋友连系住,有佢哋陪伴同支持,令我顺利度过最难过嘅头十年。」【18岁好妈妈】母女齐蒲吧 38岁靓妈同20岁女似闺蜜
其实,生女后几年,Ellie就和丈夫分开,女儿Ailey自此跟爸爸生活,两母女在周末及假期才见面,每次出来都会将学业抛诸脑后,因为Ellie不想女儿感到压力,抗拒和自己外出。Ailey说:「妈咪每个星期都带我去玩,一齐行街、扮靓、买衫,反而见少啲仲多交流,关系仲keep到好好。」
【18岁好妈妈】母女齐蒲吧 38岁靓妈同20岁女似闺蜜

两母女无论是身高、身形都相近,同样细细粒,像一对孖公仔。「试过有中学同学见到我妈咪,赞佢好后生好靓,好羡慕我,哈哈。」Ailey说,虽然她已20岁,但和妈妈逛街时仍是手拖手,更会每日倾电话,不时倾足几小时才收线,Ailey说:「我哋会放个电话喺厕所,一边冲凉一边继续讲,其他同学妈咪打电话畀佢哋通常系叫佢哋饮汤、帮手晾衫,但我妈咪冇同我讲过呢啲,唔会哦我囉。佢打来都系倾心事,我乜都可以同佢讲,朋友呀、公司呀、返学呀、屋企呀,我连拍拖都会第一时间话佢知,佢都唔会阻我。」

小六那年,试过有男仔想在Facebook结识Ailey,妈妈的反应出乎女儿意料之外。「如果系其他妈咪,可能会好担心,觉得唔系呀嘛,咁细个,快啲delete Facebook啦。但我妈会觉得系一件好有趣嘅事,仲反问我有冇试过同人去下街。」Ellie回应说:「我谂法系靓女嘛,有人钟意好正常吖。如果我当时阻止佢,可能以后乜都唔同我讲,可能当刻佢都对个男仔有兴趣,想问下我意见呢?我会从旁观察佢囉,加上佢当时身边嘅朋友同佢一样大,知识一样有限,作为妈咪,一个过来人,必须要带住佢点行,感情来嘅时候,人人都唔同,每段感情都可以令女仔成长,对我来讲都系个好机会陪女女成长。」

1 2


相关推荐