香港Love Vintage鞋佬生活百货Facebook Page直播2个钟带货100万

【吸收财讯】「鞋佬、鞋佬,可唔可以同我影张相啊」,「鞋佬,我好钟意睇你直播啊」。有时出街都会遇到呢种情境,心里暗爽系因为做直播带货,多咗人认识我,知道我呢个「带货网红」,其实人人都系带货网红。

【传奇鞋佬】人人都是带货网红
图:作者提供

【传奇鞋佬】人人都是带货网红

女鞋国Love Vintage及鞋佬生活百货创办人

点解咁讲?现实生活中,人人都系带货网红,举个例子,今日我食完间餐厅,我觉得好好食,我推介比A君,A君信我,结果去尝试呢间餐厅,咁完成咗呢一连串嘅动作,我就「带咗货」,只系你唔察觉。

不过,再鲜艳嘅花都会有凋谢枯萎嘅一日,正所谓花无百日红,呢个道理我一直提醒自己,所以,全港既billbroad广告入面,仲有我哋嘅新晋带货网红妹妹、嫂嫂、嫲嫲、怕丑小生,希望培养更多素人变网红,保持新鲜感,增强实力!!

其实,私底下收到不少推荐或自荐,有素人、有KOL!好多人问我,点解唔揾啲有粉丝底嘅明星或KOL加入我哋,成为新晋带货网红?仲会觉得培养素人网红难度高啲!

我无否认过有粉丝底嘅朋友,有幕前感染力,但事实上有固有粉丝底嘅朋友或多或少已经给粉丝一个固有形象,原本佢过往一直用呢个形象同粉丝相处,转做带货网红,佢哋首要工作系要真实感受产品,从而将产品用后感受告诉粉丝,将你认为好嘅产品推介俾粉丝们,甚至乎有时候可能你需要自嘲或用一啲千奇百趣既呈现方法去做直播,部分粉丝会觉得件事「变质」,不再喜欢你从而选择取关,系呢种压力下,明星底的朋友可能未必接受到掉粉嘅冲击,咁佢可能未必适合做一个出色嘅直播带货网红。

相比之下,培养素人变网红有一个好好嘅优胜之处,就系佢哋拥有共同嘅特质,就系nothing to lose,没有怕跌粉的心态,博尽无悔,用心去感受和挑选产品,真心推介自己认为好嘅产品俾客人,努力去构思一个好嘅呈现方法,等观众隔住个Mon睇直播都睇得津津乐道,好似追剧集咁。

我自己系素人变网红过来人,都系由0粉丝底下,慢慢一步一透过屏幕做到今日,系透过我嘅用心和真实分享,让佢哋放下心理防御,由粉丝变朋友。我唔系净系一面讃好,我敢于系镜头前坦言产品的不足之处,我成日叫粉丝们「理性消费」,呢个就系我。

大家千万不要一心想模仿某个网红做直播,你永远只系人哋嘅影子,每个素人网红都要带出自己嘅风格,我哋有青春可爱嘅妹妹;有高贵大方嘅嫲嫲;有精明节俭嘅嫂嫂;有科技达人嘅小生,每个素人网红都有佢嘅领域,走不同嘅路线,负责向粉丝推介唔同嘅产品。

系我眼中,一个成功嘅带货网红,系社会上有一定嘅影响力,也许没有华丽嘅包装,却有一颗真诚的心去销售产品,哪怕只有一个观众,都努力带货。如果您有同样嘅方向,欢迎Inbox我哋,呢一刻我们不止要素人网红,还要「扫人」做网红。鞋佬由一个寂寂无名嘅屋邨仔,到成为香港第一带货男网红,系因为我比人行快一步,敢于创新,敢于尝试,唔好谂咁多,我可以,您都可以!花无百日红,人穷志不穷!

作者简介:

鞋佬——香港第一直播带货男网红!一直以来靠把口揾食,曾经拥有8间实体店,却从不相信网店,直到被淘宝狠狠击败,完全崩溃,发呆走去钓鱼一年,逃避现实,年半前屋企经济响起警号,迫住返回地球,无钱,无面,无人脉,唯有靠Facebook开live直销女装鞋,由第一个月卖得几只鞋,做到现时每月数百万营业额。去年更将业务拓展至百货行业,创立「鞋佬生活百货」Facebook Page,直播2个钟带货100万。

本文为作者独家供稿。

本文为作者观点,不代表本媒体立场。



相关推荐